Qaraǵandyda terrorızmdi nasıhattaǵan turǵyn 7,5 jylǵa sottaldy

QARAǴANDY. QazAqparat - 21 qarashada Qaraǵandy qalasy Qazybek bı aýdandyq sotynyń Temirtaý turǵyny D.Sh-ǵa shyǵarǵan úkimi kúshine endi. Ol terrorızmdi nasıhattaý faktisi boıynsha aıypty dep tanylǵan, dep habarlaıdy QazAqparat Ulttyq qaýipsizdik komıtetine silteme jasap.

Tergeý jáne sot D.Sh-nyń jergilikti turǵyndar arasynda, sondaı-aq áleýmettik jelilerde radıkaldy dinı ıdeologııany taratqanyn anyqtady.

Qylmystyq is materıaldary onyń kinásin tolyq dáleldedi. Ol 7 jyl 6 aıǵa bas bostandyǵynan aıyrý jazasyna kesildi.

Fıgýrant aýyr qylmys jasaǵany úshin buryn sottlǵan.