Qaraǵandyda tennısten respýblıkalyq týrnır márege jetti
NUR-SULTAN. QazAqparat – Qaraǵandy qalasyndaǵy jańa tennıs ortalyǵynda «Karaganda Masters 10 & under» respýblıkalyq týrnıri márege jetti, dep habarlaıdy QazAqparat tilshisi.
Qazaqstan tennıs federatsııasy málim etkenindeı, jarysqa Qaraǵandy, Aqtaý, Aqtóbe, Almaty, Taraz, Oral, Óskemen, Shymkent jáne Ekibastuz qalalarynan 10 jasqa deıingi 47 sportshy qatysty.
Olardyń 23-i qyz bolsa, 24-i – ul bala.
Elimizdiń tennıs federatsııasy uıymdastyrǵan doda qorytyndysynda uldar arasynda aqtaýlyq Nurdáýlet Balqan jeńimpaz atandy. Elordalyq Aldııar Narıman ekinshi, qaraǵandylyq Vıktor Serıkov úshinshi orynǵa ıe boldy.
Qyzdardan ekibastuzdyq ıAsmın Dúısembaeva, nursultandyqtar Marııam Nurjan men Nıka Bogrıanskaıa úzdik úshtikke ilikti.
Juptyq synda da M.Nurjan men ıA.Dúısembaeva eshkimdi shydatqan joq. Elordalyqtar Alan Maratqyzy men N.Bogrıanskaıa ekinshi, tarazdyq Sofııa Pak pen shymkenttik Merýert Turǵan úshinshi orynnan kórindi.
Uldardan juptyq synda aqtóbelik Ahmadı Mahanov pen oraldyq Ádiljan Sándibek jeńimpaz atandy. Nursultandyqtar Ábilqaıyr Qasenǵalıev pen Bekarys Qýandyq ekinshi, aqtóbelikter Qýanysh Begalıev pen Marlen Batıhanov úshinshi júldeni enshiledi.
Eske sala keteıik, budan buryn Denıs Evseevtiń Túrkııadaǵy týrnırdiń fınalyna shyqqanyn jazǵan bolatynbyz.
