Qaraǵandyda telefon urlyǵyna kúdikti qolǵa túsirý kezinde qaza tapty
QARAǴANDY. QazAqparat - Qaraǵandyda uıaly telefon urlady degen kúdikti qolǵa túsirý kezinde qaza tapty, dep habarlaıdy «QazAqparat» HAA tilshisi.
Tergeý nusqasyna qaraǵanda, qolǵa túspeý úshin ol basyn asfaltqa soǵa bergen. Oqıǵa Qaraǵandynyń 23-shaǵyn aýdanynda 8 qarasha kúni 22:30-da bolǵan. ІІD baspasóz qyzmetiniń basshysy Baqytjan Qudııarovtyń aıtýynsha, Qaraǵandynyń 19 jastaǵy turǵynyn belgisiz er adam uryp-soǵyp, telefonyn alyp ketedi. Osy fakti QR QK 191-babymen («Urlyq») tirkeldi. Kúdiktiniń 25 jastaǵy qala turǵyny ekeni anyqtaldy. Polıtsııa ony 23-shaǵyn aýdandaǵy №15 úıdiń mańynan tapqan kezde, kúdikti jazadan qutylý úshin telefondy laqtyryp jiberedi.
Qashpaq bolǵan kúdikti polıtsııa qyzmetkerlerine pyshaq kezegen. Polıtseılerdiń biri sambo tásilimen ony jerge jyǵady, sol kezde ol basyn asfaltqa birneshe ret soǵyp, ózin-ózi óltiredi.
Kúdikti óliminiń sebepterin anyqtaý úshin saraptama belgilendi. Mert bolǵan 25 jastaǵy kúdiktiniń artynda áıeli men eki jasar balasy qaldy.
