Qaraǵandyda teatr akterlerine jańa jataqhana paıdalanýǵa berildi

QARAǴANDY. QazAqparat - Qaraǵandyda Stanıslavskıı atyndaǵy orys drama teatrynyń akterlerine jańa jataqhana paıdalanýǵa berildi. Ol teatrǵa irgeles ǵımaratta ornalasqan. Turǵyndardyń ıeliginde bes bólme jáne shaqyrylǵan rejısserler úshin bir VIP-nómir qarastyrylǵan, dep habarlaıdy QazAqparat tilshisi.

Jataqhana qajetti turmystyq tehnıkamen tolyq jabdyqtalǵan. Ár bólmede teledıdar, tońazytqysh, jeke sanıtarlyq torap jáne dýsh bólmesi bar. Sondaı-aq, jalpy kir jýǵysh mashına ornatylǵan. Jaqyn arada munda symsyz ınternet jáne kabeldi televızııa paıda bolady.

Qazirgi tańda jataqhanaǵa ártister qonystana bastady.

«Óz jataqhanamyzdyń bolýy teatr akterleriniń kóptegen problemasyn sheshedi. Buryn, mysaly, jańa jyldyq merekeler kezinde, biz kúnine birneshe spektakl qoıǵan kezde, akterler qonystanýǵa arnalmaǵan grımdeý bólmelerinde túneýge májbúr bolatyn. Tipti seriktes qalalarda turatyn akterler aýa-raıy qolaısyz bolǵan kezderi nemese basqa da sebeptermen úılerine qaıta almaǵan jaıttar da boldy. Endi bul másele sheshildi», - deıdi K. S. Stanıslavskıı atyndaǵy orys drama teatrynyń jetekshisi Dýnaı Espaev.