Qaraǵandyda taskómir óndiretin jańa shahta ashylady

ASTANA. QazAqparat - Qaraǵandyda búginde jabyq turǵan Dolınsk shahtasynyń ken ornynda kómir óndiriletin bolady, dep habarlaıdy «QazAqparat» HAA tilshisi.

Atalmysh ken ornynan bir jylda 1 mıllıon 150 myń tonna kómir óndirý josparlanýda.

1996 jyly Dolınsk shahtasy «ArselorMıttal» kompanııasynyń jańa basshysy Lakshmı Mıttalǵa satylǵan segiz shahtanyń qataryna kirmeı qalǵan edi. Bul ken orny Qaraǵandy kómir basseınindegi úlken qyrtysty kómirdi óńdemeıtin jalǵyz shahta, sondyqtan suranysqa ıe bolmady.  Kómir tek juqa qyrtystan óndirildi. Saldarynan bul shahtanyń kóptegen ıeleri óndiristi saqtap qala almady. Qazirgi tańda ken orny jumys jasap turǵan joq.

«Dolınsk shahtasyndaǵy ken ornynan kómir óndirý boıynsha ınvestıtsııalyq jobany birigip júzege asyrýǵa konkýrs jarııalandy», - dep habarlady joba bastamashysy bolyp otyrǵan «Saryarqa» áleýmettik-kásipkerlik korporatsııasy» Ulttyq kompanııasy» AQ-dan.

Geologııalyq barlaý jumystary kórsetkendeı, bul jerde 19 mıllıon 61 myń tonnalyq qor bar. Jyl saıyn 1 mıllıon 150 myń tonna kómir óndirý josparlanýda. Joba avtory kómirdiń barlyq qoryn óndirýdi 2035 jylǵa qaraı aıaqtaýdy kózdep otyr. Kómirdi el ishinde satý josparlanýda.

900 kenshi turaqty jumyspen qamtamasyz etiledi.