Qaraǵandyda tapanshamen ustalǵan azamat agenttikte jumys istemeıdi - QMA

ASTANA. QazAqparat - Qarjylyq monıtorıng agenttigi málimdeme jasady, dep habarlaıdy QazAqparat.

Áleýmettik jelilerde jáne túrli BAQ-ta Qaraǵandy oblysy boıynsha ekonomıkalyq tergeý departamentiniń qyzmetkeri E.D.Nurǵazy esimdi azamatty polıtsııa ustaǵany týraly jańalyq jarııalanǵan.

Taraǵan habarda odan tapansha tabylǵany aıtylady.

Qarjylyq monıtorıng agenttiginiń málimetinshe, bul aqparat shyndyqqa janaspaıdy.

«Nurǵazy E.D. qarjylyq monıtorıng organdarynyń qyzmetkeri bolmaǵan jáne qazirgi ýaqytta bizde mundaı qyzmetker jumys istemeıdi» dep málim etti agenttik.