Qaraǵandyda tańerteńnen beri 30-ǵa jýyq jol apaty oryn aldy
QARAǴANDY. QazAqparat - Aýa raıynyń qolaısyzdyǵyna baılanysty tańerteńnen bergi birneshe saǵatta Qaraǵandyda 26 kólik apaty boldy, dep habarlaıdy QazAqparat tilshisi.
Qaraǵandy qalasynyń jol polıtsııasy qyzmetkerleri tańerteńnen bastap ondaǵan jol-kólik oqıǵalaryn tirkedi. Mysaly, «Qaraǵandy-Temirtaý» avtojolynda oryn alǵan jol apaty faktisi boıynsha QR ÁQBK 345-baby 2-bólimi boıynsha ákimshilik hattama jasaldy.
Dál osy jol bóliginde búgin sondaı- aq «SsangYong» avtokóliginiń 35 jastaǵy júrgizýshisi rólge ıe bola almaı, «Toyota» jáne «Lada Priora» markaly eki kólikti soqqan.
Jol-kólik oqıǵasy saldarynan «SsangYong» avtokóliginiń bir jolaýshysy jáne «Lada Priora» kóliginiń 4 jolaýshysy aýrýhanaǵa jetkizildi.
Oblystyq JP baspasóz qyzmeti málimdegendeı, barlyq 26 kólik apatyna túskender túrli jaraqattar alǵan, kóz jumǵandar joq.
Jol-patrýl qyzmetkerleriniń aıtýynsha, kólik apattarynyń basym bóligi aýa raıynyń qolaısyzdyǵy saldarynan bolǵan. Keshe túnde oblysta aýa raıy kúrt nasharlap, keı jerlerde boran soǵyp, keıbir aýdandarda qar jaýdy.
Qaraǵandy oblysynyń polıtseıleri júrgizýshilerine jol erejelerin saqtaý jáne aýa raıy nasharlaǵan kezde joldarda saq bolý kerektigin taǵy da eskertedi.
