Qaraǵandyda taksıst áıeldi óltirgen qylmysker 15 jylǵa sottaldy
QARAǴANDY. QazAqparat - Áıel taksı júrgizýshisin óltirip, qylmystyń izin jasyrǵan Qaraǵandy oblysynyń úsh turǵynyna qatysty sot úkimi shyqty, dep habarlaıdy «QazAqparat» HAA tilshisi.
Qaza tapqan ıÝlııa Stonkýs kıkboksıngpen aınalysqan. Úsheýi de kináli ekendikterin moıyndady. Qaraǵandy oblystyq qylmystyq ister jónindegi mamandandyrylǵan aýdanaralyq sotynyń sýdıasy Bekzat Shalǵymbaev sottalýshylardy kináli dep tanyp, bas bostandyqtarynan aıyrdy.
«Sottalýshy Sultan Plıevti QR QK 99-babynyń 1-taraýy «Adam óltirý», 200-babynyń 1-taraýy «Avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý» jáne 188-baptyń 1-taraýy «urlyq jasaý» boıynsha aıypty dep tanyldy. 15 jylǵa bas bostandyǵynan aıyrý jazasy taǵaıyndaldy», - dedi sottyń úkimin qylmystyq ister jónindegi mamandandyrylǵan aýdanaralyq sotynyń sýdıasy Bekzat Shalǵymbaev.
Sultan Plıev maskúnemdikke shaldyqqan. Sýdıa oǵan ishimdikten májbúrlep emdeýdi taǵaıyndady.
Onyń syıbaılastary Nıkolaı Şepkovskıı men Andreı Anısımov qylmysty jasyrǵandary úshin 2 jylǵa bas bostandyqtarynan aıyryldy.
Plıev qaza tapqan áıeldiń otbasyna bir jarym mıllıon teńge ótemaqy tóleýi tıis. Al, eki jaqtasy 500 myń teńge tóleýge mindetteldi.
Eske salaıyq, Aqtastaǵy taksı qyzmetinde jumys isteıtin ıÝlııa Stonkýs 28 qazanda Qaraǵandy mańyndaǵy saıajaı aýmaǵynan óli kúıinde tabylǵan edi.
