Qaraǵandyda taksıst áıeldi óltirgen kúdikti ustaldy
QARAǴANDY. QazAqparat - Polıtsııa qyzmetkerleri qaraǵandylyq taksıst áıeldi óltirgen kúdiktini ustady, dep habarlaıdy QazAqparat tilshisi.
Eske sala keteıik, Qaraǵandy mańyndaǵy Aqtasta taksı qyzmetinde jumys isteıtin áıeldiń máıiti tabylǵandyǵy týraly buǵan deıin habarlaǵan bolatynbyz.
Qaraǵandy oblysy ishki ister departamenti baspasóz qyzmeti basshysy Baqytjan Qudııarovtyń sózine qaraǵanda, joǵary atalǵan kisi ólimine qatysty 35 jastaǵy Shahtınsk qalasynyń turǵyny ustalǵan.
«Kúdikti jedel-izdestirý sharalary barysynda ustaldy. Buǵan deıin sottalǵan. Aldyn ala málimetter boıynsha jol aqysyn tóleý boıynsha shyqqan janjal sońy adam ólimine ulasqan. Kúdikti ýaqytsha ustaý oqshaýlaǵyshyna qamaldy», - dedi Baqytjan Qudııarov.
Kóz jumǵan áıelge tıesili «Mersedes» avtokóligi kúdiktiden tárkilendi.
