Qaraǵandyda taǵy bir otbasylyq densaýlyq ortalyǵy ashyldy
QARAǴANDY. QazAqparat – Qaraǵandy qalalyq alǵashqy medıtsınalyq-sanıtarlyq kómek ortalyǵy fılıalyn ashty. Munda «Deni saý ult» ulttyq jobasy men densaýlyq saqtaýdy damytýdyń óńirlik baǵdarlamasy sheńberinde №2 otbasylyq densaýlyq jáne ońaltý ortalyǵy ornalasqan, dep habarlaıdy QazAqparat tilshisi.
Otbasylyq densaýlyq ortalyǵynda emdeýmen jalpy tájirıbe dárigerleri aınalysady.
Munda emshara jáne qaraý kabınetteri ornalasqan. Qabyldaý elektrondyq kezek arqyly júzege asyrylady.
Ońaltý ortalyǵynda koronavırýs ınfektsııasy aıasynda mı qan aınalymynyń buzylýynan, jaraqattan jáne pnevmonııadan keıin ońaltýdan ótip jatqan patsıentterge arnalǵan zamanaýı trenajerlar jáne qurylǵylar bar.
Qabyldaýdy reabılıtolog júrgizedi, fızıkalyq sabaqtar EDSh nusqaýshysynyń qadaǵalaýymen ótedi.
Ortalyqta dýsh kabınasy bar sport zaly, massaj kabıneti jáne fızıoterapııa bólimshesi bar.
Kúndizgi statsıonar jumys istep tur.
