Qaraǵandyda «Tablıǵı Jamaǵat» ekstremıstik uıymynyń músheleri sottaldy
QARAǴANDY. QazAqparat - Qaraǵandyda úsh er adam Qazaqstanda tyıym salynǵan «Tablıǵı Jamaǵat» ekstremıstik tobyn uıymdastyrǵany úshin sottaldy.
«Qazybek bı aýdandyq sotynyń úkimimen úsh er adam QR QK 405-baby 1-bóliginde (Qoǵamdyq nemese dinı birlestikke ne ózge de uıymǵa qatysty olardyń ekstremızmdi nemese terrorızmdi júzege asyrýyna baılanysty qyzmetine tyıym salý nemese taratý týraly zańdy kúshine engen sot sheshimi bola tura, olardyń qyzmetin uıymdastyrý) kózdelgen qylmys jasaǵany úshin aıypty dep tanyldy. Aıdyn Shákenov 2 jyl 6 aıǵa bas bostandyǵynan aıyryldy, Baýyrjan Serikov pen Murat Shópenov 2 jylǵa túrmege qamaldy», - delingen Qaraǵandy oblystyq sotynyń baspasóz qyzmeti taratqan aqpar hatta.
Іs materıaldaryna súıensek, jazasyn óteýshiler Qazaqstanda tyıym bolmaǵan kezeńde «Tablıǵı Jamaǵat» uıymyna kirgen. 2011 jyly A. Shákentaev (rýhanı esimi - Mýas) uıymǵa jańa múshelerdi tartýmen, jergilikti uıashyq qyzmetin uıymdastyrýmen aınalysyp kóshbasshylardyń biri bolǵan. Bilimin jetildirý úshin Úndistanǵa, Qyrǵyzstanǵa halyqaralyq jıyndarǵa barǵan.
Úkim zańdy kúshine engen joq, shaǵymdanýǵa nemese narazylyq bildirýge bolady.
