Qaraǵandyda tabıǵatty qorǵaý zańnamalaryn buzýdyń 701 deregi anyqtaldy
Qaraǵandy oblysy aýmaǵynda shilde aıynan bastap tabıǵatty qorǵaý boıynsha ótkizilgen «Suńqar» jáne «Kıik» jedel aldyn alý is-sharalarynyń qorytyndysy boıynsha brıfıng ótti. Oǵan Qaraǵandy oblystyq Polıtsııa departamentiniń tabıǵatty qorǵaý bólimimen «Ohotzooprom» ókilderi, sondaı-aq buqaralyq aqparat quraldary ókilderi qatysty.
«Shilde aıynda tabıǵatty qorǵaý bóliminiń qyzmetkerleri 168 birlesken reıdtik is-sharalar ótkizdi. Onyń qorytyndysy boıynsha tabıǵatty qorǵaý zańnamalaryn buzýdyń 701 deregi anyqtaldy. Sotqa deıingi tergep-tekserýdiń birińǵaı tizilimine qylmystyq áreketteri bar 25 quqyq buzýshylyq tirkeldi. Onyń ishinde toǵyz derek Qylmystyq kodekstiń 337-babyna sáıkes tirkelse, eki derek boıynsha 339-babyna sáıkes is qozǵaldy. Sonymen qatar 678 ákimshilik quqyq buzýshylyq derekteri oryn aldy. Máselen, 324 derek boıynsha Ákimshilik quqyq buzýshylyq kodekstiń 382-baby (Ań aýlaý erejesin buzý) boıynsha. Bul babqa sáıkes ań aýlaýshylarǵa 6 mıllıon 810 myń teńgege aıyppul salynyp, onyń 2 mıllıon 888 myńy óndirilip alyndy», – dedi oblystyq Polıtsııa departamenti Jergilikti polıtsııa basqarmasy qyzmeti, tabıǵatty qorǵaý bóliminiń aǵa ınspektory Ernur Amanjolov.
Brıfıng barysynda kıikter men suńqarlardyń mekendeıtin jerlerin saqtaý boıynsha túsindirý jumystary júrgizildi.