Qaraǵandyda sýretshi Qýanysh Esirkeevtiń kórmesi ashyldy
ASTANA. QazAqparat - Qaraǵandy oblystyq beıneleý óneri murajaıynda Qýanysh Esirkeevtiń mereıtoılyq kórmesi ashyldy. Sýretshi 14 qarashada 70 jasqa toldy. Kórme qarashanyń 27-ne deıin sozylady, dep habarlaıdy oblystyq ákimdiktiń baspasóz qyzmeti.
Qýanysh Esirkeev 1947 jyly Balqash qalasynda sýretshiler otbasynda dúnıege kelgen. Balalyq shaǵynan bastap ol shyǵarmashylyq ortada ósti, sondyqtan Almaty kórkemóner ýchılışesine esh qıyndyqsyz tústi.
«Ol bala kezinen sýret salýdy súıetin. Jáne de onyń mereıtoılyq kórmeleri árdaıym osy murajaıda uıymdastyrylyp keldi. Ol portretter salýdy jaqsy kóredi. Myna kórmede bizdiń anamyzdyń ár jyldary salynǵan bes portreti usynylyp otyr», - deıdi sýretshiniń inisi Meıram Esirkeev.
Qýanysh Esirkeev - elimizdegi asa erekshe sýretshilerdiń biri. Onyń kartınalarynan qyl qalam sheberiniń daryny jetilip, qalyptasa bastaǵan kezeńderin baıqaýǵa bolady.
«Qýanysh Esirkeev - Qaraǵandynyń jáne jalpy Qazaqstannyń biryńǵaı sýretshisi, - dep esepteıdi ónertanýshy Natalıa Ivanına. - Qazir ol esheteńe salmaıdy, alaıda óziniń qyzmet etken jyldarynda eldiń esinde qalarlyqtaı qanshama týyndylardy dúnıege alyp keldi».
Kórmede sýretshiniń osyǵan deıin kópshilik nazaryna usynylmaǵan jumystary da boldy. Onyń etıýdteri: peızajdar men portretteri de saqtalyp qaldy. Onda avtordyń týyndylarynda úılesimdi álem qurǵysy kelgeni baıqalady. Kórmede sonymen qatar ındýstrıaldy jáne qala, kóbinese Qaraǵandy shaharynyń peızajdary usynylǵan.
Qýanysh Esirkeev - ózin tolyqtaı súıikti isine baǵyshtaǵan jan. Barlyq týyndylarda aıryqsha daryn, joǵary sheberlik jáne bir sáttik ásermen kirlenbegen dúnıeniń shynaıy betin ashýǵa degen qushtarlyq kórinedi.
