Qaraǵandyda surapyl daýyl avtobýs pavılonyn qulatyp, dekoratsııany qıratty
QARAǴANDY. QazAqparat - Qaraǵandyda qatty soqqan jel OÁD aıaldamasyndaǵy avtobýs pavılonyn tóńkerip, merekelik dekoratsııany qıratty jáne aǵashtardy qulatty, dep habarlaıdy «QazAqparat» HAA tilshisi.
«Degenmen aýa raıynyń qolaısyzdyǵyna baılanysty eshqandaı iri tótenshe jaǵdaı tirkelgen joq. Shatyrlardyń ushqany nemese qulaǵan aǵashtardyń avtomobılderdi zaqymdaǵany týraly habarlama vedomstovonyń kezekshilik bólimine túsken joq», - dep habarlady TJ departamentiniń baspasóz hatshysy Aıdana Júnis.
Qazirgi tańda ákimdik adam kóp júretin aımaqta avtobýs pavılonynyń qajetti túrde bekitilmegenin anyqtap jatyr.
Jolaýshylar kóligi sektorynyń basshysy atap ótkendeı, pavılon qaıta turǵyzylyp, asfaltqa bekitildi.
«Qazgıdromet» RMK deregine sáıkes, 6-7 mamyr kúnderi Qazaqstannyń birneshe oblystarynda kúshti jańbyr jaýyp, kún kúrkireıdi jáne jel turady.
