Qaraǵandyda «Sýda adam ólimine jol joq» aktsııasy ótti
QARAǴANDY. QazAqparat - Fedorov sý qoımasynyń jaǵajaıynda «Sýda adam ólimine jol joq» atty aktsııa ótti. Sharany Qaraǵandy qalasy TJ basqarmasy «QO TJD Jedel qutqarý bólimi» MM, Qaraǵandy oblysynyń QR ІІM TJK «Apatty medıtsına ortalyǵy» MM, « QR Jarty Qyzyl Aı Uıymy» QOF mamandary uıymdastyrdy, dep habarlaıdy óńir basshysynyń resmı saıty.
Atalmysh aktsııa demalýshylarǵa qaýipsizdik erejeleri týraly túsindirý, sýdaǵy tótenshe oqıǵalardy tómendetý jáne aldyn alý, alǵashqy kómek kórsetý tásilderi úıretý úshin uıymdastyryldy.
Aktsııaǵa qatysýshylarǵa «Jaz kezeńinde sýdaǵy qaýipsizdik sharalary», «Balalardyń demalys ýaqytynda qaýipsizdik qamtamasyz etý ata-analar jadnamasy» taqyrabynda arnaıy paraqshalar taratyldy.
Qaraǵandy qalasynyń TJB qyzmetkerleri sýdaǵy qaýipsizdik erejelerin saqtaýdy eskertedi. Ata-analardy balalardy qaraýsyz qaldyrmaýǵa shaqyrady.
Qaraǵandy qalasy boıynsha 17 sý nysany bar, sonyń ishinde azamattardyń sýǵa shomylýyna jaramdylary - Fedorov sý qoımasyńyń sol jaq jaǵalaýy (Qalalyq jaǵajaı, ıAht klýby, «Maıak», Daıvıng ortalyǵy ) men Ortalyq demalý saıabaǵyndaǵy sý qoımasy.
