Qaraǵandyda sýaǵar kárizderin jóndeýge 19 mln teńge bólindi
ASTANA. QazAqparat - Oblys ortalyǵyndaǵy sýaǵar kárizderi birtindep qalypqa keltirile bastaıdy. Bul maqsattarǵa qalalyq bıýdjetten 19 mıllıon teńge bólingen, dep habarlaıdy ákimniń resmı saıty.
Sýaǵarlardy tazartyp, jóndeýge kirispes buryn olardy taýyp alý qajet.
«Jekeshelendirý kezeńinde barlyǵy qoldy-qolǵa taratyldy, al sýaǵarlar qaraýsyz qaldy. Olardyń qujattar joq. Ol qaǵaz málimetter muraǵatqa tapsyrylýy kerek edi. Alaıda eshkim olardy tapsyrmaǵan. Qalalyq kadastrda begilengen sýaǵarlardyń ornalasýlary týraly málimetter durys emes. Biz sol qujatta belgilengen keıbir jerlderdi aralap qaıttyq. Alaıda eshqandaı sýaǵar tappadyq. Ol jerler satylǵan, qurylys jumystary ótkizilgen, saýǵarlar joıylǵan», - deıdi TKSh, kólik jáne avtomobıl joldary bóliminiń jetekshisi Sholpan Júnisova.
Sýaǵarlardy izdeýge jáne qaıta qalypqa keltirýge qansha ýaqyt jumsalatyny ázirge belgisiz. Mamandardyń esepteýinshe eki jyldan kem emes. TKSh bóliminiń qyzmetkerleri sýaǵarlar belgilengen qalalyq kadastrdyń eski kartasyn jáne 2013-2014 jyldary quralǵan kartalardy suratqan.
«Bul kartalardy teńestire otyryp, biz sýaǵarlardyń qaı jerlerde ornalasqann anyqtaı alamyz. Aldymen sýaǵar kárizderiniń múlikterin túgendeý ótkizilip, tehnıkalyq qujatyn rásimdep, «Qaraǵandy Sý» balansyna beriledi. Birinshi kezekte Gogol kóshesi, Beıbitshilik gúlzarynyń, Buqar Jyraý jáne N.Ábdirov dańǵyldarynyń sýaǵarlary qalypqa keltiriledi. Jalpy eseptegende 22 shaqyrym kárizder tazartylady dep josparlanýda», - dep atap ótti Sh. Júnisova.
