Qaraǵandyda «STOP esirtki» senim telefony jumys isteı bastady

QARAǴANDY. QazAqparat  - Búgingi kúnnen bastap Qaraǵandy oblystyq prokýratýrasynda «STOP esirtki» senim telefony jumys isteı bastady, dep habarlaıdy óńir basshysynyń resmı saıty.

Prokýrorlar azamattardy quramynda esirtki zattary bar ósimdikterdi ósiretin jerler týraly málimdeýlerin suraıdy. Sondaı-aq bul telefon jelisine ınternet-resýrsttar, messendjerlerdegi arnalar, qosymshalar kómegimen sıntetıkalyq esirtki satýy derekteri týraly da habarlaýǵa bolady. 

- Ázirge senim telefony pılottyq rejimde jumys isteı bastady. Nátıjeler men habarlasýlardy kútetin bolamyz. Árbir qońyraý boıynsha sáıkesinshe sharalar qoldanylatyn bolady, - dep málimdedi Qaraǵandy oblystyq prokýratýrasynyń baspasóz hatshysy Rýslan Ábdirahmanov. 
«STOP esirtki» senim telefonynyń nómiri 8 (7212) 35 35 33.