Qaraǵandyda statıstıkany jaqsartý úshin sottalýshylardyń qylmysyn jasyrǵan
QARAǴANDY. QazAqparat - Qylmystyq-atqarý júıesi departamenti probatsııa qyzmetiniń segiz basshysy jazasyn óteýshilerdiń jasaǵan qylmystaryn jasyrǵany úshin jaýapqa tartyldy, dep habarlady «QazAqparat» HAA tilshisi.
Statıstıkany jaqsartý úshin probatsııa qyzmetiniń ókilderi kolonııadan shartty merziminen buryn shyqqan nemese shartty túrde jazasyn óteýshilerdiń jasaǵan qylmystary týraly málimetterdi kórsetpegen. Jasandy oń kórsetkishter oblystyq prokýratýra qyzmetkerleriniń tekserýleri barysynda anyqtaldy.
Belgili bolǵandaı, kolonııadan shartty túrde merziminen buryn shyqqan nemese shartty túrde jazasyn óteýshilerdi probatsııa qyzmeti baqylaıdy.
«Olar esepte turǵan azamattar jasaǵan 42 qylmysty jasyryp qalǵan. Sondaı-aq probatsııa qyzmetiniń aýmaqtyq ókildikteri tarapynan statıstıkalyq esepti burmalaý faktileri anyqtaldy», - dep habarlady prokýratýranyń baspasóz qyzmetinen.
QAJ oblystyq departamentiniń basshysynyń atyna qyzmetkerlerdi jaýapkershilikke tartý týraly másele qoıýmen nusqama shyǵardy.
Usynymdy qarap, departament bastyǵy óńirlerdegi probatsııa qyzmetteriniń 8 basshysy tártiptik jaýapkershilikke tartty, úsheýiniń atqaryp otyrǵan laýazymyna tolyq sáıkes kelmeıtini jarııalandy.
