Qaraǵandyda sottalýshyny azaptaǵan jáne óltirgen kolonııa qyzmetkeri tutqyndaldy
QARAǴANDY. QazAqparat - Qaraǵandy soty AK-159/7 kolonııasynyń qyzmetkeri Vıtalıı Zaretskııdi tutqynǵa aldy. Oǵan tik ishegi úzilýi saldarynan kóz jumǵan sottalýshyny azaptaýdy uıymdastyrdy degen kúdik keltirilip otyr, dep habarlaıdy «QazAqparat» HAA tilshisi.
Sondaı-aq, kolonııadan tergeý oqshaýlaǵyshyna «kúdikti» alty sottalýshy aýystyryldy.
Tergeý nusqasy boıynsha, tap osylar sottalýshy V. Chýpındi azaptaǵan.
Sot Qaraǵandy oblysy prokýratýrasy basqarmasynyń arnaıy prokýrory Ǵabıden Jıenbaevtyń kapıtan Zaretskııdi tutqyndaýǵa bergen suranysyn qanaǵattandyrdy.
Tutqynǵa alynǵan Vıtalıı Zaretskııdiń zaıyby ıÝlııa Zaretskaıanyń aıtýynsha, túrme ishindegi mekteptegi aǵylshyn tili sabaǵynda muǵalıma sottalýshy V. Chýpınniń aty-jónin durys aıtpaǵan.
«Buǵan jaýap retinde ol pedagog, mektep dırektory, kolonııa bastyǵy mindetin atqarýshy B. Shataevtiń ápkesine dóreki sóılegen. Dırektor bul oqıǵa jaıly týysyna málim etken»,- deıdi ıÝlııa Zaretskaıa.
Tergeý nusqasy boıynsha, sottalýshy muǵalımanyń sabaq ótkizýine bóget bolǵan. Al kolonııanyń operatıvti bóliminiń jedel ýákili Vıtalıı Zaretskıı Chýpındi tórtinshi jasaqtan ekinshige aýystyryp ondaǵylardyń «serkesi» Qyrbaevqa aýyzsha Chýpındi «jazalaýǵa» tapsyrma bergen.
Materıalǵa sáıkes, 11 naýryzda Qyrbaev pen ózge bes sottalýshy Chýpındi qosalqy bólmege súırep aparyp, soıylmen uryp ábden azaptaǵan.
Araǵa 8 kún salyp, 19 naýryzda Chýpın tik ishegi úzilýi saldarynan qaıtys boldy.
Chýpınni óliminen keıin Tımýr Qyrbaev jáne ózge bes sottalýshy - E. Flotskıı, D. Krýshınskıı, N. Tıýkov, M. Koval ı K. Jarasbaev qamaldy.
Qyrbaev Chýpındi jazalaýǵa kolonııa basshysynyń mindetin atqarýshy Shataevtyń tikeleı nusqaý bergenin málim etti.
