Qaraǵandyda sottalǵan áıel júkti bolyp, túrme basshylyǵy jaýapqa tartyldy
QARAǴANDY. QazAqparat - Qaraǵandyda sottalýshy áıeldiń júkti ekeni anyqtalyp, tergeý oqshaýlaǵyshy basshylyǵy qatań sógis túrinde tártiptik jaýapkershilikke tartyldy, dep habarlaıdy «QazAqparat» HAA tilshisi.
«Oqshaýlaǵyshtyń basshylyǵy men ózge de jaýapty tulǵalaryna tártiptik jaýapkershiliktiń eń qatań túri - sógis jáne qatań sógis jarııalandy», - dep habarlady QAJ departamentiniń baspasóz qyzmeti.
Tergeý oqshaýlaǵyshynyń jedel ýákili jumystan shyǵaryldy. Ol qylmystyq is boıynsha sottalýshy retinde sot aldynda bardy. Ol oqshaýlaǵyshtaǵy áıelderge erler bólimindegi ózge sottalýshylarmen jaqyn qarym-qatynasta bolýyna ruqsat beretin jaǵdaı jasady dep aıyptalýda.
Tergeý nusqasy boıynsha, oqshaýlaǵysh qyzmetkeri eki sottalýshynyń kezdesýine jaǵdaı jasaǵan. Nátıjesinde áıel júkti bolyp qalǵan, biraq densaýlyǵyna baılanysty jasandy túsik jasatqan. Sottalýshy áıel kúzetshiniń aıdaýymen aýrýhanalardyń birindegi gınekologııa bólimine jetkizildi jáne júktilikti toqtatty.
