Qaraǵandyda sot jasaýyly arnaıy kontıngentke tyıym salynǵan zatty bermek bolǵan
QARAǴANDY. QazAqparat - Qaraǵandydaǵy tergeý oqshaýlaǵyshyna bir kúnniń ishinde eki ret uıaly telefon berýge áreket jasaýshylar ustaldy, dep habarlaıdy QR ІІM QAJ komıtetiniń baspasóz qyzmeti.
«Arnaıy kontıngenttiń túrli tyıym salynǵan zattardy paıdalanýyna jáne saqtaýlaryna bolmaıtyndyǵy týraly ustalýshy tulǵalarǵa eskertilgenine qaramastan, olar Ákimshilik kodeksti buzdy», - dep atap ótti Qaraǵandy oblystyq QAJ departamentiniń ókili Esimjan Baıtasov.
Birinshi oqıǵada oblys ortalyǵyndaǵy aýdandardyń birinde rejımdik nysanǵa uıaly telefon men SIM-karta alyp ótpekshi bolǵan sot jasaýyly, al ekinshi jaǵdaıda jubaıyna uıaly telefon bermekshi bolǵan Qaraǵandy oblysynyń turǵyny ustaldy.
Atalmysh fakti boıynsha materıaldar toltyrylyp, ákimshilik sotqa baǵyttaldy.
