Qaraǵandyda sot «Valıýt-Tranzıt Bankiniń» burynǵy prezıdenti advokatynyń otyrysqa kelmeý sebepterin anyqtaıdy
AǴANDY. 13 sáýir. QazAqparat /Valentına Elızarova/ - Qaraǵandyda sot joıylǵan «Valıýt-Tranzıt Bankiniń» burynǵy prezıdenti Aıtbaqy Bilálovtiń (kóbinese Andreı Belıaev degen laqap atpen belgili - red.) qorǵaýshysy Serik Alpysovtyń sot otyrysyna birneshe ret kelmeýiniń sebepterin anyqtaıdy.
Bul týraly Qaraǵandy qalasynyń Qazybek bı aýdandyq sotynyń sýdıasy Aıgúl Smaıylova habarlady.
Seısenbi kúni A.Bilálovtyń isine qatysty sot protsesi advokattyń aýrýdy jeleý etip, úshinshi ret kelmeı qalýyna baılanysty taǵy da keıinge qaldyryldy. «Aýrýdy rastaıtyn eshqandaı qujattar usynylǵan joq. Sot munyń barlyǵy sot protsesin sozbalańǵa salý úshin jasalyp otyr degen pikirdi ustanyp otyr", - dedi sýdıa A.Smaıylova. - Biz sot otyrysyna S.Alpysovtyń kelmeı qalýyn bilý maqsatynda advokattar alqasyna hat joldap, onyń sebepterin anyqtaıtyn bolamyz».
Otyrys 18 sáýirge keıinge qaldyryldy.
