Qaraǵandyda «smart» oryndyqtar paıda boldy
QARAǴANDY. QazAqparat - Qaraǵandyda Wi-Fi taratatyn oryndyqtar qaıta iske qosyldy. Qysta bul oryndyqtar alynyp tastalǵan bolatyn, dep habarlaıdy QazAqparat oblys ákimdiginiń saıtyna silteme jasap.
Kún batareıalary bar oryndyqtar 16 mamyr kúni aýa temperatýrasy qajetti deńgeıge deıin qyzǵan kezde Arbat» saýda úıiniń aldyndaǵy alańǵa qaıtadan ornatyldy. 
Saıabaqtar men gúlzarlardy basqarý qyzmetkerleri kún panelderiniń astynda jınalǵan ylǵaldy keptirip, elektronıkany jónge keltirdi.
Qurylǵy Wi-Fi taratady jáne symsyz qýattaý fýnktsııasy bar. Biraq USB qosqyshtary alty oryndyqtyń birinde ǵana saqtalǵan. Qalǵandaryndaǵylardy buzaqylar syndyryp tastaǵan.
Qazir oryndyqtar kúnnen qýat alady. Ol úshin birneshe kún qajet.
