Qaraǵandyda sholý sheńberi toqtap qaldy: Adamdar qutqaryldy

QARAǴANDY. QazAqparat – Qaraǵandynyń ortalyq saıabaǵynda sholý sheńberi sónip qaldy. Attraktsıon toqtaǵanda ishinde adamdar boldy jáne saıabaq qyzmetkerleri qolmen aınaldyryp, adamdardy túsirýge májbúr boldy, dep habarlaıdy QazAqparat.

Oqıǵa búgin kúndiz boldy. Adam toly sholý sheńberi kenetten toqtap qalǵan.

Keıinirek belgili bolǵandaı, sheńber elektr qýatynyń úzilýinen toqtaǵan. «Qaraǵandy Jaryq» JShS elektr berý jelisiniń birinde apat bolǵan.

«Qaraǵandy Jaryq» JShS tarapynan jaryqtyń sónýinen sholý sheńberi de toqtap qaldy, biraq qyzmetkerler bul attraktsıondy qolmen aınaldyryp, barlyq kelýshini syrtqa shyǵardy. Oqıǵadan eshkim zardap shekken joq», - dep habarlady Qaraǵandy saıabaq basshylyǵy.

Osy ýaqytta saıabaqtyń basqa da attraktsıondary toqtaǵan. Zardap shekkender esh jerde tirkelmedi. Elektr berý jelisindegi apatqa baılanysty Ermekov, Anjerskaıa, Lıpetskaıa, Akademııalyq, Kramskıı, Chkalov, Badın, Amanjolov, Gogol, Botanıkalyq kósheleri jaryqsyz qalǵan.