Qaraǵandyda shertpe-kúı men jyr-terme boıynsha festıval ótti
Mýzykalyq mereke «Rýhanı jańǵyrý» baǵdarlamasy aıasynda Qazaqstan halqy Assambleıasynyń «Qazaqtaný» mádenı-aǵartýshylyq jobasy aıasynda uıymdastyryldy. Festıvaldiń bastamashylary oblystyq Qazaqstan halqy Assambleıasy jáne «Arqa-aıtys mektebi» jáne «Kúı kerýen» Dostyq úıi janyndaǵy shyǵarmashylyq ortalyqtar boldy. Onyń maqsaty - qazaqtyń shyǵarmashylyǵyn nasıhattaý. Oǵan óńir men elge tanymal kúıshi, jyrshy jáne termeshiler shaqyryldy. - Bul festıvaldi biz Uly ulttyq mereke qarsańynda ótkizemiz. Biz Dostyq úıin beıbitshilik pen kelisim, azamattyq bastamalar ortalyǵy etýge tyrysýdamyz. «Rýhanı jańǵyrý» baǵdarlamasyn júzege asyrýǵa belsendi qatysamyz. Bıyl sýyryp salma aqyndar, dombyrashylar mektebi quryldy. Festıval osy jumystardyń jalǵasy boldy, - dedi Qaraǵandy oblysy ákimi apparatynyń «Qoǵamdyq kelisim» KMM dırektory Erlan Qusaıyn. - «Dombyranyń dybysy - seniń júregińniń yrǵaǵy» dep beker aıtpaıdy. Bizdiń halqymyzdyń tarıhy ónerge toly, shyǵarmalar arqyly ata-babalarymyzdyń daýysyn estımiz. Dostyq Úıiniń shyǵarmashylyq ortalyqtarynyń tárbıelenýshileri respýblıkalyq jáne halyqaralyq baıqaýlardyń laýreattary – jas aqyndar óz sheberlikterin kórsetti. Festıvaldiń eń jas qatysýshysy - 11-synyp oqýshysy Abzal Maqash jeltoqsan aıynyń basynda Qanysh Sátbaevtyń 120 jyldyǵyna jáne Jastar jylyna arnalǵan halyqaralyq aıtystyń júldesin ıelendi. Kórermender dombyra, qobyz jáne jetigen sııaqty túrli halyq aspaptarynyń áýenderine tánti boldy. Aqtyq synda aqyndar «Qulmanbet aıtys» atty sýyryp salma dodasyn uıymdastyrdy. Festıvaldiń sharyqtaý shegi – kúı tartys biregeı kórinisi boldy. Bul úlken saltanattar men toılarda tanymal bolǵan ejelgi dástúr. Jarystyń máni - qarsylastyń oryndaǵan belgisiz áýenin kúıshi sol qalpy mánerdi alyp ketip, jalǵastyra alýynda. Kúı sıýıtasyn dombyrashylar Qanat Baqraev, Qaırat Omarov, Temirlan Kýbat oryndady. - Halyqtyń dástúri qasıetti, olardy urpaqtan-urpaqqa jetkizý óte mańyzdy. Bul festıval túrli jastaǵy, ártúrli mektep pen mánerdi oryndaýshylardyń basyn biriktirdi. Jastar ulttyq ónerdi jalǵastyrýda jáne damytady. Meniń oıymsha, biz kórermenderge halyq mýzykasynyń sulýlyǵyn kórsete aldyq, - dep atap ótti Mońǵolııanyń eńbek sińirgen ártisi jáne Qazaqstan Mádenıet qaıratkeri Merýert Bashaı. Festıval qatysýshylaryna alǵys hattar tabys etildi. «Arqa-aıtys mektebi» ortalyǵyna kúı men jyr-terme jınaqtary bar retro-plastınka syıǵa tartyldy.
