Qaraǵandyda shendi polıtseıler esirtki satýshysyna bolysqan
QARAǴANDY. QazAqparat - Eki joǵary shendi polıtseı men Qaraǵandy oblystyq ІІD Kóshi-qon qyzmeti basqarmasynyń qatardaǵy eki qyzmetkeri esirtki satýshysymen sybaılas jemqorlyq jasady degen kúdik boıynsha sot aldynda jaýap berdi, dep habarlaıdy «QazAqparat» HAA tilshisi.
Óńirlik ІІD Kóshi-qon qyzmeti basqarmasynyń burynǵy basshysy Ablaı Smaılov, Kóshi-qon qyzmeti bóliminiń Ońtústik-Shyǵys polıtsııasy bóliminiń basshysy Serik Jabaǵın, sondaı-aq ınspektorlar Roza Májıtova men Venera Oralhanova kóshi-qon zańnamasyna qaıshy birqatar zańsyz qyzmet kórsetti degen kúdikke ilikti.
Olardy Jezqazǵanǵa Kavkazdan kelgen esirtki satýshyny ańdyp júrgen ІІM qyzmetkerleri anyqtaǵan. Іz kesýshiler dáleldemeler jınaqtap, olardy ustaǵan.
Qaraǵandydaǵy Qazybek bı aýdandyq №1 sotynda Serik Jabaǵın, Roza Májıtova men Venera Oralhanova sot aldynda jaýap berdi. Úsheýi de kinásin moıyndap, prokýrormen protsessýaldyq kelisim jasady. Sotty sýdıa Saıan Aqqojın júrgizdi.
Ablaı Smaılovqa qatysta tergeý isi júrip jatyr.
Polıtseılerge QR QK 361-baby 2-bólimi «qyzmettik ókildigin asyra paıdalaný» jáne 394-baby 2-bólimi «zańsyz kóshi-qon uıymdastyrý» boıynsha aıyp taǵylýda.
