Qaraǵandyda shashtaraz balanyń qulaǵyn kesip aldy
QARAǴANDY. QazAqparat - Qaraǵandydaǵy sán salondarynyń birinde shashtaraz 4 jasar balanyń qulaǵyn kesip aldy, al onda kelgen jedel járdem ony aýrýhanaǵa jetkizdi, dep habarlaıdy «QazAqparat» HAA tilshisi.
«Jedel medıtsınalyq járdem» stansasyna 22-shaǵyn aýdanda ornalasqan sán salonynan habar kelip túsken.
«Jedel járdemdi ákimshi shaqyrdy. 4 jasar balanyń qulaǵy kesilip qalǵan. Dárigerler qandy toqtatyp, Oktıabr aýdany aýrýhanasyna jetkizdi», - deıdi «Jedel medıtsınalyq járdem» stansasyndaǵylar.
Balanyń ata-anasy polıtsııa shaqyrǵan joq, óıtkeni oqıǵada qylmystyq quqyqbuzýshylyq belgileri bolmaǵan. Salon ákimshisi balanyń áke-sheshesinen keshirim surap, materıaldyq shyǵyndy óteımin dep ýáde berdi.
