Qaraǵandyda shahtadan órt shyqty
QARAǴANDY. QazAqparat - Qaraǵandyda «Saran» shahtasynan órt shyqty. Shahtada transporter taspasy men ishki qaptama janyp ketti, dep habarlaıdy QazAqparat tilshisi.
«Arselor Mıttal Temirtaý» AQ «Saran» shahtasynda órt shyqqany týraly habarlama 28 naýryz kúni saǵat 15:36-da kelip tústi. Aýmaqta tehnologııalyq keshenniń 2 galereıasynda transporter taspasy men ishki aǵash qaptamasy janǵan.
«+24 jáne +27 metr bıiktiktegi 2 galereıa qulady. Órt 16:53-te sóndirildi. Jalyn sharpyǵan aýmaqtyń jalpy aýdany 350 sharshy metrdi qurady. Órt bolǵan jerge sý shashý jáne buzý jumystary jalǵasýda. Órttiń shyǵý sebebi anyqtalýda», - dep habarlady Qaraǵandy oblysy Tótenshe jaǵdaılar departamentiniń baspasóz qyzmeti.
