Qaraǵandyda shahtadaǵy jaısyz oqıǵany basshylyq jasyryp qalǵan
QARAǴANDY. QazAqparat - «ArselorMıttal Temırtaý» AQ-nyń laýazymdy qyzmetkerleriniń Lenın atyndaǵy shahtada bolǵan jaısyz jaǵdaıdy jasyryp qalý áreketi áshkerelendi, dep habarlaıdy QazAqparat.
Kásiporyn basshylary jumysshynyń jaraqat alý jaǵdaıyn jasyryp qana qoımaı, jol-kólik oqıǵasyn oılap taýyp, shahterdyń jaraqatty sonyń saldarynan alǵandyǵyn dáleldep baǵýǵa tyrysty. Kásiporyn basshylarynyń jymysqy áreketin Shahtınsk qalasynyń soty áshkereledi.
Keıin málim bolǵanyndaı, 9 qarasha kúni jumys istep jatqan jumysshy bıiktikten qulap ketip, onyń áriptesi alǵashqy medıtsınalyq kómek kórsetken. Al dárigerler jumysshynyń basynan jáne ıyǵynan qatty soqqy alǵandyǵyn rastaǵan.
Jaısyz oqıǵany bólim bastyǵy tirkeýge almaǵan. Ol jumysshyǵa demalys berip, úıine jibergen. Al ol úıine ketip bara jatyp, jolda esinen tanyp qalǵan. Osydan keıin emdeý sharalary birneshe aıǵa sozylǵan. Osy sebepti shahter kompanııany jaýapqa tartpaq bolǵan. Ol Lenın atyndaǵy shahtanyń basshylyǵyna qarsy aryz jazyp, jaısyz oqıǵany rastap, tıisti akt berýin suraǵan. Alaıda ózge shahterlerdan oqıǵa týraly suraǵanda olardyń barlyǵy oqıǵadan beıhabar bolyp shyqqan. ıAǵnı bolǵan jaıdyń dáleli joq. Sóıtip, kompanııa jumysshynyń basynda bolǵan jaıdy moıyndaýdan bas tartqan. Zardap shekken azamat Shahtınsk qalasynyń sotyna shaǵymdandy. Shahtanyń laýazymdy qyzmetkerleri jol-kólik apaty bolǵany týraly biletinderin jáne jaraqattyń sol apattyń saldarymen tikeleı baılanysty ekendigin senimdi túrde málim etken. Alaıda sýdıa mundaı apattyń bolmaǵandyǵyn dáleldedi.
«Jaýapty azamattyń jol-kólik oqıǵasy týraly málimetteri rastalmady. Іshki ister organynyń ókilderi mundaı oqıǵa bolmaǵandyǵy jóninde anyqtama bergen, zardap shekken azamattyń medıtsınalyq tekserý jónindegi qujattary da onyń jol apatyna túspegendigin dáleldedi»,-dedi Shahtınsk qalalyq sotynyń sýdıasy Erlan Syzdyqov.
Shahtada bolǵan jaısyz jaǵdaıdy sýdıa tolyqtaı rastady jáne «ArselorMıttal Temırtaý» kompanııasyna Qaraǵandy oblystyq eńbek ınspektsııasy mamandarynyń qatysýymen osy oqıǵaǵa tekserý júrgizýge májbúrledi.
