Qaraǵandyda shahtadaǵy órt toqtatyldy
ASTANA. QazAqparat - Qaraǵandy oblysyndaǵy «ArselorMıttal Temirtaý» AQ-nyń Kostenko atyndaǵy shahtasynda jaǵdaı turaqtaldy, dep habarlaıdy «QazAqparat» HAA kompanııanyń saıtyna silteme jasap.
Eske sala ketsek, osydan bes kún buryn, 10 naýryzda Kostenko atyndaǵy shahtanyń jeldetý túıisimi ýchaskesinde órt shyqqan bolatyn.
Órttiń shyǵý sebebi tabıǵı qubylyspen baılanysty bolýy múmkin.
Apat bolǵan ýchaskege aýa jiberýdi qysqartý arqyly jaǵdaıdy turaqtandyrý múmkin boldy.
Qazirgi ýaqytta shahta tirshilikti qamtamasyz etý rejiminde jumys istep jatyr. Alynǵan synamalardyń saraptamasy apattyq aýmaqqa jarylys qaýpi tónip turmaǵanyn kórsetti.
Jer asty jumystaryna Kostenko atyndaǵy shahtanyń 50 qyzmetkeri men 20 qutqarýshy tartyldy. Órt oshaǵyn oqshaýlaý boıynsha barlyq jumystar qaýipsiz rejimde júrgizildi jáne jumysqa tartylǵan adamdardyń ómirine esh qaýip tóndirgen joq.
Sondaı-aq, kompanııanyń habarlaýynsha, ýaqytsha jumysy toqtatylǵan Kostenko shahtasyndaǵy jumysshylardyń bir bóligi (546 adam) ózge shahtalarǵa jiberildi. Sondaı 282 adam demalysta.
