Qaraǵandyda senbilikke shyqpaıtyn PIK-terge aýqymdy aıyppuldar salynýda
QARAǴANDY. QazAqparat - 6 sáýir kúni Qaraǵandyda bıylǵy alǵashqy ekologııalyq senbilik ótti. Búgin tazalyq sharasynda atqarylǵan jumystar qorytyndylandy, dep habarlaıdy QazAqparat tilshisi.
Qys mezgilinen keıin qalany qoqystan tazalaýǵa memlekettik qyzmetkerler, kommýnaldyq qyzmet ókilderi men qarapaıym turǵyndar shyqty. Qazybek bı atyndaǵy aýdanda 3,5 myń gektar jer tazalandy. Aýdannyń jalpy kólemi - 15 myń gektar. Munda qaǵaz jınaýǵa arnalǵan 37 qosymsha konteıner ornatyldy.
Aýdan ákimdiginde azamattardyń qoqys tastaıtyn jerlerge jáne lastanǵan aýlalarǵa qatysty shaǵymdaryn qadaǵalaıtyn jedel shtab jumys isteıdi.
Sondaı-aq Qazybek bı atyndaǵy aýdanda ózderine senip tapsyrylǵan aýlalardy jınamaǵan 14 PIK-ke aýqymdy aıyppuldar salyndy.
Al Oktıabr aýdanynda jalpy alańnyń 20% qoqystardan tazartyldy. Munda senbilikke 940 eńbek ujymy qatysyp, 20-dan astam tehnıka paıdalanyldy.
Eki aıǵa jalǵasatyn sanıtarlyq tazalaý aktsııasy 8 maýsymda aıaqtalady. Oblystyq senbilikter - 27 sáýir men 18 mamyrda, qalalyq senbilikter - 20 sáýir men 11 mamyrda, aýdandyq senbilikter 13 sáýirde, 4 jáne 25 mamyr men 8 maýsymda ótedi.
Aıta keteıik, 20 sáýirde «Búkilqazaqstandyq aǵash otyrǵyzý kúni» ótetini josparlanǵan.
