Qaraǵandyda selolyq mektepter avtobýspen qamtylmaq
ASTANA. QazAqparat - Qaraǵandy oblysynda «Mektep avtobýsy» jobasy iske qosyldy, dep habarlaıdy ákimniń baspasóz qyzmeti.
Bul jobany iske asyrýǵa aldymen Shahtınsk qalasy kiristi. Jańa oqý jylynda Dolınka poselkesiniń oqýshylary sabaqqa arnaıy avtobýspen qatynap oqıtyn boldy. Oblys ákimi Erlan Qoshanov osy bastamanyń basqa da aımaqqa taralýyn tapsyrdy.
«Mektep avtobýstary óte qajet. Bul shaǵyn qalalar men aýdan ortalyqtary úshin tıimdi dep sanaımyn. Ákimderge qarjy kózin izdestirip, osy jobaǵa kezeń-kezeńimen qosylýdy tapsyramyn. Biz úshin balalardyń ómiriniń qaýipsizdigi men densaýlyǵy bárinen mańyzdy», - dedi Erlan Qoshanov bilim qyzmetkerleriniń dástúrli tamyz konferentsııasynda.
Ákim avtobýstardyń jumysyn baqylap otyrý úshin GPS-qurylǵylaryn ornatýdy usyndy. «Ásirese,bul qystygúni asa mańyzdy», - dep basa aıtty.
Erlan Qoshanov sondaı-aq, erekshe qajettilikke muqtaj balalarǵa jaǵdaı jasaýdy, ınklıýzıvti bilim berýdi engizýdi de nazarda ustaý qajettiligine toqtaldy. Bizdiń oblysymyzda 115 bilim berý uıymy respýblıkalyq «Inklıýzıvti balabaqsha-mektep -kolledj» pılottyq jobasyna qosyldy.700-den astam pedagog ınklıýzıvti tájirıbe boıynsha oqytyldy. Inklıýzıvti bilim boıynsha psıhologııalyq-pedagogıkalyq qyzmetti súıemeldeıtin til múkisin túzeıtin maman, defektolog-muǵalim jáne úılestirýshiniń jumys oryndary ashylady, - dedi oblystyq bilim basqarmasynyń basshysy Ashat Aımaǵambetov.
Birqatar aımaqtardyń mektepterinde túzetý bólmeleri ashyldy. Bul erte bastan balalar múgedektigin anyqtaýǵa jáne ýaqytyly pedagogıkalyq túzetý jáne kómek kórsetýge múmkindik beredi.
«Tek qana pandýs-baspaldaqtardy ornatýmen shektelip qalýǵa bolmaıdy. Aldyn ala súıenish taqtalaryn ornatyp, arnaıy partalar alý qajet. Defektologtar men til múkisin túzeıtin maman-logopedterge jumys ornyn ashýǵa asa nazar aýdaryńyzdar», - dedi Erlan Qoshanov qalalar men aýdan basshylaryna.
