Qaraǵandyda saýda úıiniń janynan egde áıeldiń denesi tabyldy

QARAǴANDY. QazAqparat – Búgin tańerteń Qaraǵandynyń «Maıqudyq» shaǵyn aýdanyndaǵy saýda úıleriniń biriniń janynan 71 jastaǵy áıeldiń denesi tabyldy, dep habarlaıdy QazAqparat tilshisi.

Saýda úıiniń janynda belgisiz áıeldiń denesi jatqany týraly Qaraǵandy qalalyq JBO-ǵa kezdeısoq kýáger habarlaǵan. Polıtsııa dereý oqıǵa ornyna jetken.

«31 jeltoqsan kúni saǵat 9.47-de Qaraǵandy qalasy PB JBO-ǵa 12 shaǵyn aýdandaǵy «Aıan» SÚ janynda zorlyq-zombylyq belgilerinsiz 71 jastaǵy áıeldiń máıiti tabylǵany týraly habarlama kelip tústi. Bul fakt polıtsııada tirkeldi. Tıisti saraptamalar taǵaıyndaldy, onyń nátıjeleri boıynsha protsessýaldy sheshim qabyldanady», - dep habarlady Qaraǵandy oblysy PD baspasóz qyzmeti.