Qaraǵandyda saýda úıine jarylǵysh qoıyldy dep jalǵan habar berýshi ustaldy

QARAǴANDY. QazAqparat - Qaraǵandyda saýda úıinde jarylǵysh qoıyldy dep jalǵan habar berdi degen kúdikpen er adam ustaldy, dep habarlady QazAqparat.

«Qaraǵandyda Qazybek bı aýdandyq soty Mıhaılovskıı polıtsııa bólimi tergeýshisiniń Qazybek bı atyndaǵy aýdan prokýrorymen kelisilgen QR QK 273 babynda qarastyrylǵan qylmysqa (terrorızm týraly jalǵan aqparat taratý) qatysty kúdiktini qamaýǵa alý týraly ótinishin maquldady. Ony 2 aı merzimge qamaýǵa alýǵa sanktsııa berildi», - delingen aýdandyq sottyń baspasóz habarlamasynda.

Tergeý nusqasy boıynsha, er adam 10 qazanda saýda ortalyǵynda jarylǵysh zat qoıyldy degen habar bergen. Kúdikti kelesi kúni qolǵa tústi.

Baspasóz qyzmetiniń aqparatynsha, buryn osy sot jazda jalǵan terrorızm qylmysyna qatysy bar kúdiktini 1 jyl 6 aıǵa bostandyǵynan aıyrǵan. Ol jalpy rejımdegi túrmede jazasyn óteıdi. Іs materıaldaryna sáıkes, sottalýshy saýda ortalyǵynda jarylǵysh bar dep 2016 jyly 7 maýsymda jalǵan habar bergen.

QR QK-niń 273 baby boıynsha jaza kúsheıtildi. Osy bap boıynsha aıypty dep tanylǵandar 6 jylǵa deıin bas bostandyǵynan aıyrylýy múmkin.