Qaraǵandyda saýda úıine qaraqshylyq shabýyl jasaýshynyń sybaılasy ustaldy
ASTANA. 6 tamyz. QazAqparat - Qaraǵandy qalalyq ІІB Ortalyq polıtsııa bóliminiń qylmystyq polıtsııa jáne
patrýldik polıtsııa polkiniń jedel áreket etý arnaıy jasaǵynyń qyzmetkerleri jeksenbi kúni jedel-izdeý sharalarynyń barysynda 2010 jyldyń naýryz aıynda sybaılastarymen birge Gogol kóshesindegi saýda úıine qaraqshylyq shabýyl jasaǵan 27 jastaǵy qaraǵandylyqty ustady.
Bul týraly Qaraǵandy oblystyq ІІD-niń baspasóz qyzmetinen habarlady.
Qaskóıler ǵımaratqa túnde kirip, kúzetshig ańshylyq myltyqtan jaraqat saldy. Odan keıin saýda úıinen 8 mıllıon teńge aqsha men altyn buıymdar salynǵan seıfti alyp shyqty.
Qaraqshylardyń birin polıtseıler úsh kúnnen keıin qolǵa túsirdi. Odan sholaq myltyq alyndy. Er adam 9 jylǵa sottaldy.
Ekinshi qylmysker izin jasyrdy. Osy ýaqyt aralyǵynda ol Ózbekstan jáne Reseı aýmaǵynda júrdi, al birneshe aı buryn Qaraǵandyǵa oraldy. Tártip saqshylary onyń ornalasqan jerin anyqtaǵan soń, ony da ustady.
Qylmysker tergeý abaqtysyna qamaldy. Tergeý amaldary júrgizilýde.
