Qaraǵandyda saýda úıinde jeldetkishtiń ballony jaryldy
QARAǴANDY. QazAqparat - Qaraǵandyda «Azat» saýda úıinde jeldetkish ballony jaryldy, dep habarlady «QazAqparat» HAA tilshisi.
Oqıǵa ornynda jumys istep jatqan órt sóndirýshiler jarylys órtke sebep bolmaǵanyn habarlady. «Órt bolǵan joq. Jeldetkish ballony jaryldy, ol qysymnyń kúshtiliginen paıda bolýy múmkin. Eshkim zardap shekken joq», - dep habarlady «Órt sóndirý jáne apattyq qutqarý jumystar qyzmeti» MM qyzmetkerleri.
Polıtsııa men órt sóndirýshilerdi kórshi úı turǵyndary shaqyrdy. Saýda úıine qarsy ornalasqan bank qyzmetkerleri jarylys kezindegi daýysty estigen soń, kóshege júgirip shyǵyp, polıtsııaǵa habarlasqan.
