Qaraǵandyda saýda úıi bir aıda 7 márte karantın talabyn buzǵan

QARAǴANDY. QazAqparat – Qaraǵandy qalasynyń polıtsııa jáne taýarlar men qyzmetterdiń sapasy men qaýipsizdigin baqylaý basqarmasynyń qyzmetkerleri bir aı ishinde saýda úıinde sanıtarlyq normalardyń jeti ret buzylǵanyn anyqtady, dep habarlaıdy QazAqparat tilshisi.

Qaraǵandy qalasy PB Ońtústik-Shyǵys polıtsııa bóliminiń qyzmetkerleri SES ókilderimen birlesip kún saıyn sanıtarlyq normalardyń saqtalýyn tekserip, jumys júrgizedi.

Alaıda, saýda úıleriniń birinde Qaraǵandy oblysynyń bas sanıtar dárigeri belgilegen normalar eskerilmeıdi.

«17 qazanda polıtseıler men SES qyzmetkerleri jármeńke ótkizilgen saýda úıiniń aýmaǵynda karantın erejesin buzýdyń bes faktisin anyqtady. Mysaly, 3 satýshy sút jáne shujyq ónimderin ólshep oralmaǵan kúıinde satqan. Sonymen qatar, olardyń birinde maska bolmady. Sondaı-aq, eki satýshy daıyn taǵamdy betperde men qolǵapsyz satty. 20 qazan jáne 28 qazan kúnderi osy saýda úıindegi reıd kezinde polıtseıler men SES qyzmetkerleri karantın normalarynyń buzylǵanyn anyqtady – munda batýt ortalyǵy jumys istegen», - dep habarlady Qaraǵandy oblysy polıtsııa departamentiniń baspasóz qyzmeti.

Barlyq faktiler boıynsha ákimshilik materıaldar jasalyp, olar sheshim qabyldaý úshin taýarlar men qyzmetterdiń sapasy men qaýipsizdigin baqylaý basqarmasyna jiberildi.