Qaraǵandyda saýda fırmalarynyń birinen 9 mıllıon teńgesi bar seıfti alyp ketken qaraqshylar ustaldy
ASTANA. Maýsymnyń 16-y. QazAqparat /Aıdar Ospanalıev/ - Qaraǵandy oblysynda naýryz aıynda saýda fırmalarynyń birine jasalǵan qaraqshylyq áreket áshkerelendi.
Qaraqshylar 9 mıllıon teńge salynǵan seıfti alyp ketken.
Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanovtyń aıtýynsha, oqıǵa kezinde fırmanyń kúzetshisi qarsylyq kórsetkenimen qaraqshylar ony denege zaqym keltiretin qarýdyń kómegimen qorqytyp, kólikke mingizip Qarqaraly qalasy baǵytyndaǵy dalaly alqapqa tastap ketken. «Jedel izdestirý sharalarynyń barysynda jergilikti 25 jasar azamat ustaldy. Qazirgi tańda onyń sybaılastaryn qolǵa túsirý boıynsha tıisti sharalar atqarylýda», dedi departament bastyǵy.
