Qaraǵandyda Satyp alýshylar klýby quryldy
QARAǴANDY. QazAqparat - Qaraǵandy oblysynyń kásipkerleri memlekettik satyp alý salasynda biliktilikterin arttyrmaq. Oǵan Satyp alýshylar klýby ashylǵan óńirlik kásipkerler palatasy kómektesedi, dep habarlaıdy QazAqparat.
Klýbtyń alǵashqy jıyny ótti. Kásipkerlerge memlekettik satyp alýlar veb-portalynda tirkelý, memlekettik satyp alýalardy júzege asyrý ádisteri úıretildi.
Qaraǵandy oblysy kásipkerler palatasy Satyp alýshylar klýbynyń alǵashqy jıyny ótti. Endi kez kelgen kásipker klýb aıasynda óziniń biliýktiligin arttyryp, jumysynyń tıimdiligin arttyra alady.
Qaraǵandy oblysy ÓKP Jobalardy súıemeldeý bóliminiń bastyǵy Baıken Ómirtaev kásipkerlerge portal qalaı jumys isteıtini jaıynda aqparat berdi. Memlekettik satyp alýdy ótkizýdi baqylaý jáne monıtorıgi, tizilim, kameralyq baıqaý týraly aıtyldy portaldyń jumysyn túsindirip berdi.
«Klýb kezdesýlerinde memlekettik qajettilikterdi qamtamasyz etý úshin taýar, jumys qyzmet satyp alýlaryn reglamentteýshi qoldanystaǵy zańnama máseleleri, satyp alý protsedýralaryn júrgizý júıesi, satyp alý protsedýralaryn uıymdastyrý, ótkizý jáne qatysý, shartty oryndaý, buzý jáne ShOB-tyń satyp alýǵa qatysý tájirıbesi talqylanady», - dedi Baıken Ómirtaev.
Aldaǵy ýaqytta klýb jıyndary túrli formattardy ótetin bolady. Munda dárister, pikir-talastar, iskerlik oıyndar men oı-talqylar uıymdastyrylady. Jıyndar aıyna bir ret ótedi.
