Qaraǵandyda sábıin qoqys jáshigine tastap ketken ana tabyldy
QARAǴANDY. QazAqparat – Qaraǵandy oblysynyń polıtseıleri qoqys konteınerinen tabylǵan shaqalaqtyń anasyn anyqtady, dep habarlaıdy QazAqparat tilshisi.
Esterińizge sala keteıik, 3 sáýir kúni Qaraǵandy qalasynda Oktıabr aýdanyndaǵy úılerdiń biriniń janyndaǵy qoqys konteınerinen 1 aılyq sábı tabylǵan bolatyn. Náresteni jedel járdem brıgadasy tekserip shyǵyp, dene jaraqattaryn tappady.
«Polıtsııa departamentiniń basshylyǵy náresteniń anasyn anyqtaý úshin krımınaldyq polıtsııa men jergilikti polıtsııa qyzmetiniń tájirıbeli mamandarynan turatyn jedel-tergeý tobyn qurdy. Іshki ister organdarynyń barlyq jeke quramy baǵyttaldy. 6 sáýir kúni 22 jastaǵy náresteniń anasy anyqtaldy», - dep habarlady Qaraǵandy oblystyq Polıtsııa departamentiniń baspasóz qyzmetinen.
QR QK-niń 24-babynyń 3-bóligi, 99-babynyń 1-bóligi «adam óltirýge oqtalý» boıynsha qozǵalǵan qylmystyq is sheńberinde bolǵan oqıǵanyń mán-jaıy anyqtalýda.
