Qaraǵandyda rok juldyzy Vıktor Tsoıdyń eskertkishi ashylady
QARAǴANDY. QazAqparat - Qaraǵandyda 26 tamyz kúni áıgili «Kıno» tobynyń negizin salýshy jáne osy toptyń múshesi Vıktor Tsoıdyń eskertkishi ashylady, dep habarlaıdy «QazAqparat» HAA tilshisi.
Іs-sharaǵa Vıktor Tsoıdyń ákesi - 79 jastaǵy Robert Tsoı keledi. Olımpııskaıa kóshesindegi eskertkishti «Er Nýr & Nıka» qazaq-koreı dostastyǵy qoǵamdyq qory qarjylandyrdy. Eskertkishtiń nobaıy QR Sáýletshiler odaǵy men QR Sýretshiler odaǵynyń qoldaýymen jarııalanǵan konkýrs nátıjesinde tańdalyp alyndy. 
«Biz tek eskertkishti ornatýdy ǵana qolǵa alǵan joqpyz, sonymen qatar Qaraǵandydaǵy Olımpııskaıa kóshesindegi saıabaqty abattandyrý jobasyn da júzege asyrdyq», - dedi qazaq-koreı dostastyǵy qoǵamdyq qorynyń prezıdenti Ignatıı Te.
Olımpııskaıa kóshesi kezdeısoq tańdalyp alynǵan joq. Dál sol jerde «Er Nýr & Nıka» qazaq-koreı dostastyǵy qoǵamdyq qorynyń keńsesi ornalasqan. Eskertkishtiń saltanatty ashylýynan keıin Kenshiler mádenıet saraıynda rok juldyzyn eske alý kontserti ótedi.
