Qaraǵandyda pyshaqtalǵan er adam aýrýhanaǵa jetkizildi
QARAǴANDY. QazAqparat - Qaraǵandyda aýrýhanaǵa pyshaq jaraqatymen 39 jastaǵy er adam jetkizildi. Kúdikti 33 jastaǵy qaraǵandylyq birden ustaldy, dep habarlaıdy QazAqparat tilshisi.
23 aqpanda Qaraǵandy qalasynyń medıtsınalyq mekemesine 39 jastaǵy er adam pyshaq jaraqatymen jetkizildi.
«Polıtsııa qyzmetkerleri jábirlenýshiniń páterinde 33 jastaǵy kúdiktini ustady. Ol ishimdik ishý barysynda janjal bolǵanyn jáne qaqtyǵys kezinde jábirlenýshige pyshaq salǵanyn moıyndady», - dep habarlady Qaraǵandy oblysy PD baspasóz qyzmeti.
Bul derek polıtsııada tirkeldi. Qazir tıisti saraptamalar taǵaıyndalyp, tergeý amaldary júrgizilip jatyr.
