Qaraǵandyda psıhobelsendi zattardy taratý máselesine arnalǵan jeli iske qosyldy
ASTANA. QazAqparat - Qaraǵandyda 26 qarashadan bastap psıhobelsendi zattardy taratý máselesine qatysty «Jedel jeli» jumys isteı bastady, dep habarlaıdy oblystyq ákimdiktiń baspasóz qyzmeti.
Qala turǵyndary «Úmit» QU «Jedel jelisi» boıynsha 8 (7212) 42-60-92, 8-702-092-41-06 habarlasyp, suraqtaryn qoıyp, ne bolmasa psıhobelsendi zattardyń taratylýynyń jarnamalanýy týraly málimdeı alady.
Jedel jeli telefondary jumys kúnderi dúısenbiden jumaǵa deıingi aralyqta 9.00-den 18.00-ge deıin jumys isteıdi.
Qaraǵandyda alǵash ret Densaýlyq qorǵaý boıynsha úılestirý keńesiniń bastamasymen Qoǵamdyq bastama qurylǵan bolatyn. Jobanyń basty maqsaty - qala turǵyndary arasynda psıhobelsendi zattardy tutynýlarynyń aldyn alý. «Jedel jeli» Qoǵamdyq bastama sheńberinde jumys isteıdi.
