Qaraǵandyda prokýrorlar múmkindigi shekteýli jandardyń túıtkildi máselelerin talqylady
Otyrysty asha otyryp oblys prokýrory Memleket basshysy jyl saıyn múgedekter úshin kedergisiz orta qalyptastyrý, onyń ishinde áleýmettik ınfraqurylym obektilerin pasporttaý jáne beıimdeý mindetterin qoıyp otyrǵanyn atap ótti.
Osy tapsyrmany oryndaý úshin oblys prokýratýrasy ýákiletti organdarmen birlesip, múgedektigi bar adamdardy qoǵamdyq ómirge tartý boıynsha birqatar jumystar júrgizýde. Kórsetiletin kómektiń sapasyn jaqsartýǵa baǵyttalǵan josparlar ázirlenip, jobalar qabyldanǵan.
«Birqatar sheshilmegen máseleler bar. Bul júrip-turýy qıyndyq týdyratyn adamdarǵa arnalǵan arnaıy qurylǵylary bar qoǵamdyq kóliktiń jetispeýshiligi, ınklıýzıvti mektepterde, túzetý kabınetteri men ońaltý ortalyqtarynda mamandardyń jetispeýshiligi, jumysqa ornalastyrý kórsetkishteriniń tómendigi jáne t.b», - dep atap ótti oblys prokýrory.
Ol sondaı-aq múgedektigi bar jandardyń quqyqtaryn qorǵaý týraly tapsyrmalardy sapaly oryndaý, ınklıýzıvti bilim berýdi damytý jónindegi memlekettik baǵdarlamanyń iske asyrylýyn baqylaý, júrip-turý, qarym-qatynas quraldarymen, dári-dármektermen qamtamasyz etý, áleýmettik qyzmetterdi ýaqtyly alý jáne jumysqa ornalastyrý máseleleri boıynsha sharalar qabyldaý qajettiligin atap ótti.
Otyrysta ýákiletti organdar basshylarynyń qabyldanyp jatqan sharalar týraly baıandamalary tyńdaldy, birlestik ókilderi ózderiniń qıyndyqtary týraly aıtty.
Іs-sharanyń qorytyndysy boıynsha ýákiletti organdarǵa quramyna múgedekterdiń qoǵamdyq birlestikteriniń ókilderin qosa otyryp vedomstvoaralyq jumys tobyn qurý, erekshe qajettilikteri bar adamdardyń ómir súrý jaǵdaılaryn jaqsartý boıynsha qosymsha
sharalar qabyldaý tapsyryldy jáne atalǵan tulǵalardyń quqyqtarynyń buzylýyna jol bermeýge baǵyttalǵan birqatar naqty nusqaýlar berildi.