Qaraǵandyda prokýratýra qarjy pıramıdasynyń jetekshisine 10 jyl berýdi surady
Birneshe mıllıon aqshany alaıaqtyqpen qoldy etken aıyptalýshy Elena Kolesnıkova jalpy rejimdegi kolonııada on jylyn ótkizýi tıis dep sanaıdy prokýratýra.
Prokýror Sarjan Sabyr QR QK 217-baby 3-bóliginde kózdelgen qylmysty jasady dep sanaıtynyn málimdedi.
Sonymen qatar, 752 jábirlenýshiniń birazy Kolesnıkovamen jumys barysynda ýaqytsha qıyndyq saldarynan aqshalaryn ala almadyq dep sanaıdy.
Atap aıtqanda, 65 jábirlenýshi sot joldamasyn, telefonmen shaqyrtýdy elemedi, bul birneshe ret qaıtalandy. Oktıabr aýdandyq sotynyń sýdıasy Amantaı Ábdikamalov jábirlenýshilerdi sot zalyna májbúrli jetkizý týraly qaýly shyǵardy. Olardy turǵylyqty jerlerinen polıtsııa bólimsheleriniń polıtseıleri jetkizdi.
Kolesnıkova salymshylardyń mindettemelerin oryndamaǵan bóligindegi aıybyn ǵana moıyndady. Onyń alaıaqtyq jasaıtyn nıeti bolmaǵanyn, azamattarǵa aqshany qaıtarýǵa jeke salymshylardyń shaǵymdary men tergeý organdarynyń aralasýy kedergi keltirgenin aıtty.
Qarjy pıramıdasynyń negizin qalaýshy Elena Kolesnıkova qamaýda. Іs materıaldarynda fırma jeke tulǵalardan 3 mıllıard teńge alǵany, onyń ishinde salymshylarǵa 2 mıllıard qaıtarylmaǵany jazylǵan.
Bir jarym myńnan astam salymshylar men kýágerlerden jaýap alyndy, eki myńnan astam tergeý áreketteri júrgizildi, onyń ishinde saraptama jáne ózge de zertteýler bar, aldynda kúdikti bolǵan bes adam kýáger atandy.
Olarǵa qatysty is tergeýge belsendi járdemdeskeni úshin jáne ókinýge baılanysty toqtatyldy. Sonymen qatar, belgisiz tulǵalarǵa qatysty jeke óndiriske bólingen taǵy bir qylmystyq is bar. Qylmystyq jaýapkershilikke tartý úshin olardyń kim ekenin anyqtaý jumystary júrgizilýde.