Qaraǵandyda poshtashy-drondar óz jumysyn bastady
QARAǴANDY. QazAqparat - Búgin, 15 qyrkúıekte Saranda synaq túrinde poshtalyq dron ushyryldy. Sarannan Dýbovka aýylyna baǵyt alǵan ushqyshsyz ushaq jeldiń qatty bolýyna baılanysty keshigip keldi, dep habarlaıdy Qaraǵandy oblysy ákimdiginiń resmı saıty .
Ushý apparattary alys shalǵaıdaǵy aýyldarǵa poshtany jetkizý úshin qoldanylatyn bolady. Bul týraly «Qazposhta» AQ basqarma tóraǵasy Sáken Sársenov málim etti.
- Bul baspasóz ónimderi men hattardy jetkizýde ýaqytty únemdeıdi, - dedi ol. - Egerde bul qurylǵyny iske qosqansha biz kúnine basylymdardyń tek 12 % jetkizip otyrsaq, endi 48 paıyzyn ýaqtyly jetkizemiz. Tehnologııany resmı túrde búgin ushyryp jatqanymyzben, synaq túrinde biz onymen bir aýdaı jumys jasadyq. Osy ýaqyt aralyǵynda drondar 9 000 shaqyrymdy ushyp ótti, 250 saǵat ushty jáne 500 keli júkti jetkizdi.
Ushqyshsyz ushaqtar kádimgi ushaqtardyń shaǵyn túrine uqsaıdy, olar joǵary tehnologııalyq materıal - kóbiktengen polıhlorvınılden jasalǵan, ol avıaóndiriste jıi qoldanylady. Qurylǵynyń túbine júk ilinip, ol naqty jerine jetkende avtomatty túrde túsiriledi. Osydan keıin ushý apparaty keri aınalyp, bastapqy ornyna qaıtyp keledi. Qurylǵymen baılanys joǵalǵan nemese form-majorlyq jaǵdaılarda arnaıy baǵdarlama qosylady, ol arqyly drondy taýyp, júkti qajetti ornyna jetkizýge bolady. Mundaı bir apparattyń baǵasy shamamen 4 mıllıon teńge kóleminde.
«Qazposhta» AQ jańa tehnologııalardy engizý arqyly qarjylaryn únemdeı alady. Sebebi, aktsıonerlik qoǵam ushý apparattaryn satyp alǵan joq. Olardyń barlyǵy «Adrome Automation» kompanııasyna tıesili. «Qazposhta» tek drondar qyzmetine ǵana aqy tóleıdi.
- Buǵan qyzmettik baǵdarlama boıynsha memlekettik-jekeshelik seriktestik arqyly qol jetkizip otyrmyz, - dep túsindirdi Sáken Sársenov. - ıAǵnı biz jabdyqty satyp almaımyz, tek qana qyzmetine aqy tóleımiz. Ushýdyń bir shaqyrymy 90 teńgeni quraıdy. Klıentter úshin baspasóz ónimderi men hattardy jiberý aqysy arttyrylmaıdy.
Aıta keteıik, ushqyshsyz ushaqtar myqty: olar eki kelige deıin júkti jetkize alady jáne 100 shaqyrymǵa deıin usha alady, akkýmýlıatorlarynyń qýattylyǵy eki saǵatqa jetedi. Dronda kún sýyqta da, jańbyrda da, az qar jaýǵanda da jáne azdaǵan jelde de usha alady. Alaıda jel ekpini sekýndyna 10 metrden assa apparatty ushyrýǵa bolmaıdy. Sol sebepti búgin jel poshtashy-drondy ushyrýǵa kedergi keltirdi.
- Joba áli qabyldanǵan joq. Dron men kompıýterdiń baılanys arnasy basqasha, telemetrıkalyq, - deıdi «Adrome Automation» kompanııasynyń dırektory Alekseı Kım. - Kóbine júıe alǵashqy kezeńde turaqty jumys jasamaıdy. Keıbir olqylyqtar bar, biraq olar joıylýda. Búgin tańerteń drondy sol jerge ushyrǵan edik, bári jaqsy bolǵan, belgilengen orynda 10 mınýtta jetti. Ol kezde jel azdaý boldy. Qazir onyń jyldamdyǵy sekýndyna shamamen 7 metr, drondardy ushyrý úshin ruqsat etiletin maksımaldy jel ekpini sekýndyna 10 metrdi quraıdy.
Aýyldyq poshtashylar bul bastamany qoldady.
- Bizdiń poshtashylarymyzdyń jaǵdaıy jaqsy: bizge jańa kıim úlgisi men velosıpedter berildi. Dron qajetti nárse dep oılamyn, - deıdi Dýbovka aýylynyń poshta qyzmetiniń qyzmetkeri Vasılıı Gerko. - Drondardy jiberýshilermen baılanysta bolý úshin bizge smartfondar berdi. Negizi bul bizdiń jumysymyzdy jeńildetedi - búgin dron, erteń, múmkin qarmen júretin kólikter berer, únemi alǵa jyljý kerek.
Ázirge ushqyshsyz ushaqtar elimizdiń tórt oblysyna ǵana poshtany jetkizetin bolady, olar: Qaraǵandy, Almaty, Jambyl jáne Ońtústik Qazaqstan oblystary. Bizdiń aımaqta Ulytaý aýdanynyń 28 eldi mekenine, Aqtoǵaı aýdanynyń Qoshqar aýylyna, Jańaarqa aýdanynyń eki aýyly men Osakarovka aýdanynyń eki aýylyna poshta shaǵyn ushaqpen jóneltiletin bolady.
