Qaraǵandyda polıtsııa qyzmetkeri kólikpen eki jaıaý júrginshini qaǵyp ketti
QARAǴANDY. 2 qarasha. QazAqparat /Valentına Elızarova/ - Qaraǵandyda polıtsııa qyzmetkeri «Mıtsýbısı» avtokóligimen kele jatyp, eki jaıaý júrginshini qaǵyp ketti.
Bul týraly Qaraǵandy oblystyq ІІD baspasóz qyzmeti habarlady.
Oqıǵa dúısenbi, 1 qarasha kúni shamamen 19.00 kezinde Mamraev kóshesinde boldy. «Mıtsýbısı» kóliginiń júrgizýshisi, 50 jastaǵy polıtsııa qyzmetkeri joldy ruqsat etilmegen jerden ótpek bolǵan 49 jastaǵy áıel men 21 jasar qyz balany qaǵyp ketti. Odan keıin polıtsııa qyzmetkeri zardap shekkenderge alǵashqy kómek kórsetip, «jedel járdem» shaqyrdy», - deıdi baspasóz qyzmetindegiler.
Zardap shekkender túrli dene jaraqattarymen Qaraǵandynyń medıtsınalyq mekemelerine jetkizildi.
Atalmysh oqıǵa boıynsha tergeý júrgizilýde, dep habarlady oblystyq ІІD baspasóz qyzmeti.
