Qaraǵandyda polıtsııa 33 jyl burynǵy qylmysty ashty
QARAǴANDY. QazAqparat - Qaraǵandyda polıtseıler eki áıeldi óltirgen qylmyskerdi 33 jyldan keıin ustady, dep habarlaıdy «QazAqparat» HAA tilshisi.
QazKSR ІІM mılıtsıonerleri 1984 jyldyń 5 shilde kúni bir páterden eki áıeldiń denesin tapqan - 23 jáne 26 jastaǵy qyzdar ishimdik ishkennen keıin pyshaqtalǵan.
«Mılıtsııa qyzmetkerleri oqıǵa ornynan 11 saýsaq izin tapqan. Onyń toǵyzy uqsas bolyp shyqsa, eki saýsaq izi anyqtalmaǵan», - dep habarlady Qaraǵandy oblystyq ishki ister departamenti baspasóz qyzmetiniń basshysy Baqytjan Qudııarov. Bul saýsaq izderi 33 jyl boıy bazada saqtaýly turǵan. Polıtseıler ár qylmyskerdi ustaǵan kezde salystyryp otyrǵan, alaıda eshbirimen sáıkes kelmegen. Taıaýda polıtseıler qylmys jasaǵan kúdiktini qolǵa túsirip, onyń saýsaq izderin alǵan.
«Polıtseıler 33 jyl burynǵy saýsaq izderimen salystyryp, kúdiktiniń saýsaq izderimen sáıkes keletindigin anyqtady. Ol ýaqytsha ustaý oqshaýlaǵyshyna qamaldy», - dedi Baqytjan Qudııarov.
Qylmys jasaǵan kezde álginiń jasy 23-te bolǵan. Ol 26 jastaǵy áıeldiń úıinde qonaqta bolǵanyn, ishimdik ishkennen keıin aralarynda jaljal shyǵyp, onyń 23 jastaǵy qurbysy men páter ıesin óltirgenin moıyndady.
Oqıǵa ornynan izin sýytyp, pyshaqty laqtyryp jibergen. QR QK 33-baby 2-bólimi boıynsha qylmystyq is qaıta óndiriske qabyldandy.
