Qaraǵandyda polıtseılerge 103 jańa kólik syıǵa tartty
QARAǴANDY. QazAqparat - Qaraǵandy oblysynyń ákimi Erlan Qoshanov polıtseılerge 103 jańa qyzmettik kóliktiń kiltin saltanatty jaǵdaıda tabys etti, dep habarlady «QazAqparat» HAA tilshisi.
103 kólik dabyl, daýys zoraıtqysh qurylǵylarmen, radıostansalarmen jabdyqtalǵan.
Oblys basshysy kólikterdi kórip, jańa tehnologııa múmkindikterine laıyqty baǵa berdi. «Kólikter memleket basshysynyń qoǵamdyq tártipti nyǵaıtý, qylmyspen kúres boıynsha mindetterin sheshýge qyzmet etetinine senimdimin», - dep habarlady Erlan Qoshanov.
Kóliktiń basym bóligi jol-patrýldik qyzmetke beriledi. Sondaı-aq avtomobılder ishki ister orgadarynyń bastapqy býyny, tikeleı halyqpen jumys júrgizetin polıtsııa ýchaskelik ınspektorlaryna berildi.
«Qaraǵandy oblysynyń ishki ister organdarynyń materıaldyq-tehnıkalyq bazasyn nyǵaıtýǵa oblystyq bıýdjetten 2,5 mlrd teńge bólindi», - dep atap ótti ІІD baspasóz qyzmetinde.
Foto: karaganda-region.gov.kz
