Qaraǵandyda polıtseıler jol-kólik oqıǵasynda zardap shekkenderge qan tapsyrdy
QARAǴANDY. QazAqparat - Búgin oblystyq qan ortalyǵynda polıtseıler jol-kólik oqıǵasynda zardap shekkender úshin qan tapsyrdy, dep habarlady aımaqtyq ІІD-niń baspasóz qyzmetinen.
«Bul aktsııa jol qozǵalysy qaýipsizdiginiń respýblıkalyq aptalyǵy aıasynda ótkizildi. Oǵan oblystyq ІІD ákimshilik polıtsııa basqarmasynyń, Qaraǵandy ІІB-niń ákimshilik polıtsııa bólimi jáne jol-patrýldik polıtsııa polkiniń 65 qyzmetkeri qatysty. Olardyń ishinde 20-cy turaqty donorlar boldy», - delinedi habarlamada.
ІІD-niń aqparatyna súıensek, Qaraǵandy oblysynda jyl basynan beri saldarynan 171 adam qaza taýyp, 947 adam jaraqat alǵan 775 jol-kólik oqıǵasy tirkelgen.
«Jol-kólik oqıǵasynyń qurbandaryn eske alý kúni jyl saıyn qarashanyń úshinshi jeksenbisinde ótkiziledi. Bul kúni Qaraǵandy kóshelerimen qara tústi kólikter legi ótedi. Túste tilektestik belgisi retinde polıtseıler júrgizýshilerdi bir ýaqytta «temir tulparlarynyń» klaksondaryn basýǵa shaqyrady.
